Kратка историја за бансек
Бансекот по потекло се смета за француска иновација, меѓутоа била измислена од англичанецот Вилијам Њубери. Во 1808 г. Њубери патентирал машина за сечење на дрво, при што се користела “бесконечна” пила како лента намотана на две тркала.
Избор на бансек според Вашите потреби
Постојат неколку различни видови на бансеци, секој со своја карактеристика и специјалност. Најчесто може да ги пронајдете во вертикална или хоризонтална формација. Исто така и кaj двата вида може да се постават сечила кои имаат специфични капацитети за сечење на различни материјали.
Во зависност од материјалот, работното парче и типот на проект на кој ќе работите, ќе се одреди дали ви е повеќе потребен хоризонтален или вертикален бансек. Затоа во прилог следи еден брз водич за позитивните страни, како и за идеалната употреба за да си помогнете во изборот.
Хоризонтален бансек
Хоризонталниот бансек работи со фиксирање на работното парче додека пилата минува низ него, изведувајќи прецизно сечење. Овој тип е идеален за вас доколку сакате да ги смалите парчињата по големина и да исечете тенок или дебел крој во зависност од вашите потреби. Тие нудат висока прецизност при изведување на директно сечење и исто така се достапни во различни големини.
- Предности
Хоризонталните бансеци се исклучително тивки за работа во споредба со другите машини и генерално создаваат помала бучава. Има различни големини и генерално служат за сечење на дрво. Исто така достапни се и со автоматско сечење, што значи дека можете да продолжите да работите на друго додека бансекот ги обработува поставените работни парчиња.
- Недостатоци
Хоризонталниот бансек нема да може да даде заоблени линии или комплицирани форми.
- Идеална употреба
Хоризонталниот бансек ви е неопходен доколку имате пилана или набавувате необработен материјал.
Вертикален бансек
Вертикалните бансеци го сечат поинаку материјалот во споредба со хоризонталните, давајќи му сосема поинаков сет на придобивки. Самата пила останува неподвижна додека работното парче го движите преку сечилото за да го пресечете. Бидејќи можете да го поместите работното парче како што сакате, тоа отвора повеќе можности за различни стилови на сечење и други функции.
- Позитивни
Вертикалните бансеци се идеални за изведување комплицирани кроеви, форми и агли. Многу од нив имаат отвор за поврзување со отпрашувач со кои може да се отстранат сите остатоци од работната површина.
- Идеална употреба
Вертикалниот бансек, благодарение на нивната разноврсност и способност да направат многу повеќе од само рамно сечење, тие се неопходни за мали и големи столарски работилници.
Сечила (пили) за бансек
Има многу фактори според кои се одбира сечилото на бансекот. Прво, треба да знаете која големина на сечило ви е потребно за вашиот бансек, потоа што планирате да сечете и каков тип на сечење сакате да извршите.
Следно, треба да знаете која ширина на сечило ќе ви биде функционална за да го извршите типот на сечење кое ви е потребно. Воглавно, широките сечила се користат за рамни сечења на подебели материјали. Доколку сакате да направите закривено сечење, тогаш одберете сечило со помала ширина.
Распределбата на запците на сечилото исто така делува на сечењето. Сечилата со побројни запци извршуваат пофини сечења, додека пак сечилата со поретки запци извршуваат погрубо сечење. Најчести се следните 3 типа на сечила.
- Регуларни сечила: имаат пропорционално распоредени забци и се идеални за сечење тенки материјали со фина завршница.
- Кукасти сечила: имаат поголеми запци, побрзо и погрубо сечат. Овие обично се користат за долги резови во подебело и тврдо дрво.
- Сечила со ретки запци: овој тип на запци најчесто се користи за сечење на меко дрво. Наменети се за сечење на долги работни парчиња без прекини, меѓутоа овој вид на сечила не може да ви даде соодветна чиста завршна обработка.