Кратка историја за четвоространa блањалицa
Април 13, 1852 година, во Винчестер, четвоространата блањалица била патентирана, а сопственик на патентот бил Џоел Витни.
Четвоространите блањалици се машини за рамнење и профилирање на дрво кои го обработуваат работното парче со 4 вретена поставени редоследно. Работните парчиња се водат со ролери при обработката по целата должина на машината. Машините се опремени со четири или повеќе мотори.
Процесот на обработка е поделен на:
- Долна обработка
- Странична обработка
- Горна обработка
Конструкција
Четвоространите блањалици имаат масивни конструкции, во комбинација со челик и леано железо. Деловите од леано железо обезбедуваат високо амортизирање на вибрациите, долготрајна издржливост, нелепливи способности и отпорност на деформации. Леаното железо се користи за рамнење и обликување (во внатрешноста на блањалицата помеѓу сечилата). Челичните делови на блањалицата се отпорни на корозија и многу издржливи. Челикот има многу висок сооднос на јачина и тежина.
Што се четворострани блањалици и како функционираат?
Секоја машина е важна алатка со која се заштедува физичкиот напор, затоа блањалицата претставува несомнено една од најважните кога станува збор за машините за обработка на дрво. Англискиот збор “moulder” кој е составен дел од називот на оваа машина значи калап, бидејќи во суштина ја „калапира“ формата со отсекување на вишокот дрво што е потребно за откривање на профилот.
Овој процес се случува на сите четири страни на претходно подготвениот материјал со само едно поминување низ машината.
Главни карактеристики на четворострана блањалица
- Брза обработка на материјалот. Брзината се движи од 6-45 метри во минута.
- Секоја главна осовина е управувана од независен електричен мотор, што овозможува моќна обработка.
- Голем избор на фрезни глави за обработка на различни форми.
- Издржлива работна маса со тврда хромирана облога.
- Погонските ролери со повеќе групи ја подобруваат ефикасноста на обработката.
- Составена од делови кои се дебели и цврсти и овозможуваат висока прецизност, стабилност и сигурност.
- Заштитни капаци кој не дозволуваат отстранетиот материјал да се исфрли надвор од машината.
Ролери
Ролерите за обработка го притискаат работното парче и го движат низ машината. Дури и ако материјалот е малку навален, ролерите ќе ја држат рамно, така што ќе добиете конзистентен профил од крај до крај. Првите валјаци се направени од челик со жлебови, а последните ваљаци се направени од гумена обвивка за да не се оштети вашиот завршен профил.
Сечила (фрезни глави со променливи плочки)
Подесување на висина за сечење
Подесувањето на висина може лесно да се направи рачно на машината, некој модели имаат и авотматско (моторизирано) подесување на висина.
Отвори за отпрашување
Четворостаните блањалици имаат четири или повеќе отвори за отпрашување, кои се наоѓаат во близина на секој секач, за да не се наталожат остатоци во машината. Квалитетното отпрашување е многу значајно за добра обработка – дрвените остатоци не се таложат околу секачите (фрезните глави) и валјаците за обработка.
Централизиран контролен панел
Преку кој операторот може да ги стартува/запира сите мотори за обработка одделно.
Контролната табла има копче за итно запирање и сигнал дека машината е вклучена во струја.
Изработени примероци
Заклучок
Иако е многу едноставна по концепт, модерната блањалица е доста сложена, компјутеризирана, со вградени сензори и автоматизирани уреди за поставување. Од огромно значење се безбедносните карактеристики, како што е онаа што ги исклучува моторите, па дури и електронски ги запира сечилата доколку се отвори вратата од контролната кутија или се исклучи граничниот прекинувач додека работи.