Машина за рамнење по дебелина – ДИХТ

16 јули, 2021 | Машини, алати и материјали

blank

Кратка историја за дихтови

Дихтовите потекнуваат уште од античкиот Рим и оттогаш се користат до ден денес. На почетокот, биле направени од само дрвени блокови со правоаголен облик на отвор во центарот за да се вклопи металното сечило, кое било затегнато со друг дрвен блок. Сепак, со текот на времето и напредувањето на технологијата, дихтовите претрпеле бројни подобрувања и измени.

Во средината на 1800-тите, рачните дихтови изработени од леано железо биле прво произведени од Леонард Бејли, кој потоа го пренел патентот на Стенли. Потоа Стенли продолжува да произведува дихтови во согласност со дизајните на Бејли.

blank

Модели на дихтови

Без разлика дали сте соло-оператор и ви треба помал дихт кој ќе го штеди вашиот простор или имате голема работилница и потребен ви е дихт со голем капацитет, разликуваме неколку типови на дихтови: полупрофесионални, професионални и индустриски дихтови во сите големини и спецификации. Во последно време, достапни се низа на стандардни дихтови, кои користат универзални мотори наместо индукциски и се многу поевтини од индустриските верзии. Додека пак индустриските дихтови имаат капацитет за обработка на многу широки плочи и да отстранат големи количини на материјал во еден премин. Овие машини се управувани од моќни мотори и се со масивна конструкција.

Според видот на обработка постојат дихтови кои го рамнат парчето од едната страна, двострани дихтови кои го рамнат парчето од двете страни, како и четворострани.

blank

Зошто ви е потребен и како да го одберете соодветниот дихт?

Поседувањето на дихт при процесот на работа ќе обезбеди многу побрза обработка на дрвото, подобар квалитет, зголемена продуктивноста и намалена употреба на физичка сила.

За да бидете сигурни дека сте го одбрале најдобриот дихт соодветен на вашите потреби, важно е да ги имате предвид следниве основни карактеристики по кои се разликуваат дихтовите:

  • Моќност

Ако вашиот дихт нема моќен мотор, тогаш нема да можете да завршите обемна работа со него и нема да можете да одземете поголем дел од материјалот. Дихтовите со помала моќност се наменети за помали работилници со помал обем на работа.

  • Ширина на обработка

Ако имате намера да го користите за различни проекти, најдобро е да изберете модел со поголема ширина на рамнење. Ако пак, имате тенденција да работите секогаш со иста ширина, тогаш можете да изберете покомпактен модел кој е погоден за вашите барања.

  • Работна дебелина на обработка

Проверете дали дебелината на рамнење на дихтот соодвествува со дебелината на вашите дрва.

  • Брзина

Побарајте модел кој има нормална брзина на обработка или пак модел со регулирање на брзината. Премногу бавната обработка ќе го намали животниот век на вашите сечила преку триење и прегревање.

  • Продолжени маси

Колку е поголема работната маса, толку е подобро нивото на поддршка. Меѓутоа, ако имате мал работен простор и не користите редовно долги парчиња дрва, тогаш подобро е да изберете покомпактен модел.

Начин на работа

Дихтот се користи за обработка на дрвени материјали на многу едноставен и лесен, но практичен и функционален начин. Обично парчињата што се обработуваат на дихтови веќе биле подложени на прелиминарно израмнување на абрихтер. Прво ја прилагодуваме посакуваната висина, потоа ја вклучуваме машината, го поставуваме работното парче на масата и дрвото автоматски се движи преку ролерите и поминува низ сечилата на дихтот каде што се изедначува и израмнува. Со повторно поминување дрвото станува помазно, и за кратко време ја имаме посакуваната структура со изедначена и мазна површина.

blank

Тип на материјали

Главните видови на дрво што се користат се: бор, храст, бука, орев, цреша, чам и многу други.

Сечила 

Челикот на сечилата на дихтот варира помеѓу “HSS”, “Co-Cr” и “TC”. Освен по типот на челик од кој се изработени сечилата, разликуваме стандардни сечила со рамни ножеви и спирални сечила со коцкасти ножеви.

Предност при користењето на спирални сечила е помазна површина, помала бучава при обработка и полесно справување со чворови. Уште една предност на спиралните сечила е што имаат повеќе променливи плочки, што значи доколку се оштети некоја плочка ќе ја замените само таа, кај стандарните сечила ќе мора да го промените целиот нож, во прилог слики од двата типа на сечила.

blankblank

  • blank
  • blank
  • blank
  • blank