Постојат различни типови на опрема за вежбање кои можат да се изработат од дрво. Освен нивната функционалност, тие имаат и убав декоративен изглед. Доколку имате соодветен алат, голема желба и креативност, започнете бизнис со изработка на дрвени справи за вежбање. Изработувајте ги во различни димензии, мултифункционални и прилагодени за во домашни услови или за фитнес клуб.
1. Дрвен веслач
Дрвен веслач – комбинира повеќе справи во една за да заштеди простор и да ја зголеми ефикасноста на вежбите. Наменет за спортски сали, фитнес и центри за рехабилитација.
Дрвениот веслач не е тежок за употреба, со неговото користење ќе ја зголемите вашата физичката сила, еластичноста на мускулите, стабилност и сеопфатна физичка подготовка.
2. Справа за балансирање
Справата за балансирање е дрвена oпрема – горниот дел е составен од квалитетна иверица, а долниот дел од цврсто дрво.
3. Балансирачки рачки за склекови
Изработувајте рачки за изведување склекови и одржување рамнотежа.
4. „Slimbeam“
„SlimBeam“ е справа која може да се изработи со неверојатно компактен дизајн што го прави совршен за домашна спортска сала што е ограничена со просторот. Има прилагодлива висина со двојна макара, магацин со тежина од 75 килограми и шипка за потклекнување / седење. Бројот на можности за вежбање им овозможува на корисниците да ги вежбаат сите области на горниот и долниот дел од телото.
5. Мултифункционална клупа
„TriaTrainer“ е мулти-функционална клупа за вежбање која има три клучни позиции: затворена, полуотворена и целосно продолжена. Клупата може да се прилагодува на секоја од 3-те позиции, што овозможува да се фокусирате на различни мускули (јадро, грб и гради).
6. Преграда за вежбање
Овој тип на справа е корисна опрема за вежбање и не зафаќа голем простор бидејќи се монтира на ѕид. Интересно е што може да се надогради со уште некој тип на справа на расклопување и преградата за вежбање да се направи мултифункционална.
Дрвените фитнес иновации нудат уникатни решенија за теретаните. Тие се идеални за домашни спортски сали, хотели и теретани кои сакаат различен дизајн, и исто така стануваат сè попопуларни за салите за фитнес/пилатес.